أبدت الممثلة نشوى مصطفى، بالغ حماستها بعد انضمامها لأسرة مسلسل "إمبراطورية ميم"، بطولة خالد النبوي، والمقرر عرضه ضمن موسم رمضان 2024.

وقالت نشوى مصطفى بعد تعاقدها على المسلسل للوقوف أمام خالد النبوي: "متحمسة جدا يا رب التوفيق.. ما شاء الله لاقوة إلا باله"، مضيفة: "تحويشة العشر سنين اللي فاتت.. متحمسة جدا.. لما كان يتعرض عليا دور مش حاساه كنت بأعتذر وأنا بتقطع بس كنت باقول حقي في المرحلة دي واللي باقي من العمر انى أستمتع وأنا بأعمل فن".

وتابعت نشوى مصطفى: "وايه متعة أكبر من أنى باذن الله اكون واحدة من فريق عمل عظيم وراقى.. نص عظيم لأستاذ احسان عبد القدوس سيناريو وحوار دكتور محمد سليمان عبد المالك صاحب الاعمال المميزة واخراج واعى جدا جدا وناجح في كل أعماله باقتدار واسمه بإني ثقة بينه وبين جمهوره الأستاذ محمد سلامة وإنتاج لشركة اعمالها ترند شركة اروما ".

وأضافت نشوى مصطفى "وخالد النبوي، أقصد الخالد النبوي، خالد اسمه لازم يسبقه ألف ولام بغض النظر عن حضوره اللي ربنا صارفهوله بزيادة هو كمان ممثل هاند ميد ممثل يعلى اي ممثل يقف قدامه وممثل هاوي بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية ويابختى حقيقى وبالمناسبة ده سادس عمل بإذن الله أمثل فيه مع خالد كلى ثقة فى توفيق ربنا وكرمه بإذن الله دعواتكم أكون عند حسن ظن حضراتكم".