حقق المصري أحمد بسيوني سبق بافتتاح عربية كبدة إسكندراني في مونديال قطر 2022. قال بسيوني عبر صفحته  على موقع التواصل الاجتماعي “فيسبوك”: "القطريين والأجانب انبهروا بالطعم من أول قطمة. ببيع كمان رز بلبن وواحد من أهل البلد قالي طعمه حلو زي المالكي انا بحب الطبخ وهوايتي دخول المطبخ من زمان والسندوتش بعشرة ريال دا أرخص سعر هناك".

 وأضاف، "بقالي 13 سنة في قطر وكنت بحلم بعربية الكبدة من سنة وأخيرا حققت الحلم انا خريج حقوق وشغال الصبح في مصنع أدوية وبليل على عربية الكبدة و بيساعدني صاحبي الشيف أحمد".

وأردف، "زينت العربية بجمل من الفلكلور الشعبي والأمثال المصرية وأغلب القطريين والجنسيات العربية عارفين الامثال دي ويستكمل كلامه احمد ويقول، بحلم أن مشروعي يستمر حتى بعد انتهاء المونديال".