قال السير الدكتور مجدى يعقوب، أبلغت والدي بأني هكون جراحا؛ وذلك فى عمر الـ7 سنوات بعد وفاة عمتي.

 وأكد السير مجدى يعقوب خلال حواره مع محمد صلاح على قناة أون سبورت: "والدى السبب في مشوارى بعد وفاة عمتى.. قلت لوالدى هكون جراح، وأنا عندى 7 سنين، وقلت له أنا هشتغل جامد وهروح اشتغل معاه فمشيت هذا المشوار ولقيت إنى ممكن أفيد الناس".

وتابع الدكتور مجدي يعقوب: "بعدين شوفت الناس في أسوان وعملنا مركز كبير هنا.. وبدأنا نعمل العمليات هناك تخفيفا عليهم أنهم يروحوا القاهرة يتعالجوا.. وكنت بخاف إنى مكملش، وكنت بحب العلم جدا والأبحاث.. وحتى الآن أحاول اكتشاف حاجات جديدة أفيد الناس بيها، وأجريت 30 ألف عملية قلب حتى الآن".

وأردف: "لو هبعت رسالة لنفسى إنى أستمر في كل طريقى، وعدم السماع للناس المحبطة.. كنت دائما عاوز الناس تسبنى في حالى علشان أوصل لهدفى واكتشف حاجات جديدة تنقذ الناس".