عبرت النجمة كارول سماحة عن حزنها العميق لفقدان زوجها المنتج وليد مصطفى، مؤكدة أنها وجدت دعمًا كبيرًا من الزملاء والأصدقاء في الوسط الفني، ومن بينهم الإعلامية منى الشاذلي.
 

وقالت خلال لقائها ببرنامج معكم منى الشاذلي على قناة "ON": "مقدرتش أودع زوجي في المسجد فقط، كان لازم أودعه في المقابر، وبشكر كل الناس اللي وقفت جنبي.. حسّيت أن كل اللي حضروا العزاء جم عن حب".

الحاجة إلى الأمان

وأوضحت كارول أن مشاعر العزاء خففت عنها بعض الألم، مضيفة: "أي حد حضنته في عزاء زوجي كنت بشعر أنه أخويا، حتى اللي معرفوش.. كنت محتاجة الأمان".

المرض غيّر حياتهم

وتطرقت إلى تفاصيل معاناتها مع فترة مرض زوجها قائلة: "بخاف من الموت والمرض، ولما دخل المرض حياتنا مع وليد، حاجات كتير اتغيرت.. أكتر حاجة وجعتني إنه كان بيجهزني لفكرة إنه هيسيبنا، وهذا أثر علينا وعلى طاقة البيت".

سنوات من الكفاح الصامت

وأضافت: "زوجي كان بيلعب معانا زي الأطفال، وعشنا سنين طويلة مع المرض، واتفقنا نُخفي الأمر عن الناس علشان منشفش نظرة التعاطف.. وبقول: لو الناس عرفوا إني حزينة، دا هيفيدني في إيه".