تحدثت نيللي كريم عن مسلسل "100 وش" الذي تم عرضة في رمضان 2020، وذلك خلال إستضافتها في برنامج "أسرار النجوم"، عبر محطة راديو نجوم إف إم.

وقالت نيللي كريم: "وقت ما عملت بـ 100 وش كنت عايزة أقدم عمل كوميدي وحبيت أغير من الشكل، وكان نفسي بعده أكمل في الكوميديا، وأنا بحب أكون مخلصة لأي شخصية بقدمها، زي دوري في فاتن أمل حربي كان لازم أمحي نيللي كريم تمامًا وأقدم شخصية فاتن زي ما ظهرت، وهأقدم شخصية كوميدية اسمها فراولة وهو مسلسل كوميدي 15 حلقة".

أما عن رأيها في المسلسلات التي تتكون من 30 حلقة قائله: "مشكلتنا في المسلسلات اللي بتبقى 30 حلقة إنها تكون مش جاهزة، في ظل توقيت معين ولازم نسلم الحلقات وطبعا الشغل مش بيكون بنفس الكواليتي اللي بنتمناه، فتكون عملية مؤلمة جدا وبتضطري تشتغلي ساعات طويلة".

وتابعت: "والأوقع حالياً يكونوا 15 حلقة مكتوبين كويس أوي وتعرضهم، والـ15 حلقة بتدي فرصة لناس كتيرة تشتغل، وشوفنا منى زكي السنة اللي فاتت قدموا عمل جيد جدا وكسر الدنيا ودا يثبت إنه مش شرط نقدم الـ30 حلقة".