حلت الفنانة ميمي جمال، ضيفة في برنامج "معكم"، الذي تقدمه الإعلامية منى الشاذلي عبر شاشة ON.

وتحدث الفنانة ميمي جمال، موقفها مع الفنانة الراحلة ماري منيب، وسر قولها لها "ماتجيش هنا تاني"، موضحة: "أول ما اشتغلت كنت في فرق التليفزيون، وطلبوني في مسرح الرحاب بعدها، وكانت الممثلات اللي كانوا بيعملوا أولاد ماري منيب كبروا شوية، وأنا رحت متحمسة، لكن مفيش حد بيعمل معايا بروفات غير الملقن ومدير المسرح، والست ماري مش بتيجي غير في العرض، وبعد ما حفظت المشهد ورحت أديته نادت على مدير المسرح وقالتله البنت دي ماتجيش هنا بكرة".

وأضافت: "لقيت مدير المسرح جالي وقالي الست ماري زعلانة ليه، قلتله ماعرفش.. وخفت جدا ودخلت قلتلها أنا غلط في إيه.. قالتلي انتي حولتيني، أنا لما بمثل على المسرح بنتي قاعدة جنبي، مش رايحه جايه.. قلتلها بصي مسمار وتدقي وانا قاعدة مش هقوم من جنبك، وعيطت من يومها لأن صعب عليا نفسي جدا، لأن حد يقولي امشي من أول مرة صعبة، ولكن اتعلمت منها كتير بعد كده".