تحدث النجم محمد رمضان عن موضوعات مختلفة تتعلق بمشواره الفني وأعماله المقبلة والماضية، وكواليس فيلمه الجديد "أسد"، المقرر عرضه أول أيام عيد الفطر المبارك لعام 2026، بعد 66 يومًا من التصوير متفرقة على مدار عام ونصف العام.

وقال محمد رمضان خلال حلوله ضيفًا على الإعلامية جيهان عبد الله، ببرنامج «أجمد 7» عبر إذاعة «نجوم إف إم»: "فيلم أسد فخور بيه جدًا، منظومة متكاملة لمخرج عالمى محمد دياب، أول مخرج مصري مارفل تنتج ليه ويثقوا فيه، في مشروع ضخم زي مون نايت، ومعايا نجوم كبار في الفيلم، بعد مسلسل جعفر العمدة أخدت قرار إني أهتم بالسينما والخطوات الغنائية خارج المنطقة العربية".

وأضاف محمد رمضان: "دا محتاج وقت ومجهود وطاقة، عشان أقدر أعمل فيلم أبنى عليه مستقبلى السينمائى، وغبت 3 سنوات عن الدراما عشان أقدر أوصل لحتة في السينما والموسيقى شبه اللي وصلتله في الدراما، ووصلت لأن السينما ممكن فيلم واحد يبقى بمليون فيلم واحد، والمرجعية بالنسبة ليا إني أقدم فيلم يعيش لسنوات طويلة قدام".

وتابع محمد رمضان: "هو دا اللى لقيته وفيلم أسد، أنا بعتبره عمل بـ 100 سنة ضوئية، محمد دياب عامل كل حاجة في الفيلم دا، هو عمل تجاري، فني، إنساني، أكشن، وتوزيع الفيلم تم التعامل معاه إنه فيلم أجنبي، هو واخد عدد مرعب في دور العرض، أكتر من الأفلام الأمريكية، وقضية الفيلم دولية وهي العنصرية والعبودية في زمن قديم".

فيلم "أسد" من إخراج محمد دياب، وتأليف شيرين دياب، ومحمد دياب، وخالد دياب، وبطولة كل من محمد رمضان، واللبنانية رزان جمال، وعلى قاسم، وماجد كدوانى، وإسلام مبارك، وأحمد داش، كامل الباشا.