روى النجم محمد حماقي كواليس حضوره ولادة ابنته فاطمة، مؤكدا أن إحساس الأبوة أكبر من أي وصف.

وقال محمد حماقي خلال حواره مع الإعلامي عمرو أديب في برنامج "بيج تايم بودكاست" المذاع عبر قناة MBC: "فاطمة أحلى حاجة حصلت في حياتي، وكنت قبل ما أخلف دايما أسمع إن أقوى حب هو حب الأب والأم لولادهم، لكن عمري ما تخيلت الإحساس، وهو فعلا أقوى من إنه يتوصف".

وأضاف: "أنا حضرت الولادة وأول ما طلعت ومسكتها حسيت إن شريان جديد اتفتح، أو زرار مشاعر عمرها ما كانت موجودة، إنت بتحب نفسك إلا قدام بنتك أو ابنك".

وتابع: "علاقة غريبة وتطورها غير طبيعي، ودلوقتي عندنا علاقة قوية وبتعمل حاجات كتير من اللي بحبها، بتلعب كورة وأهلاوية".