كشف الفنان أمير كرارة عن تفاصيل مسلسله الجديد، الذي كان منشغلًا بتصويره خلال الفترة الماضية، وذلك أثناء استضافته في برنامج "صاحبة السعادة" مع الإعلامية إسعاد يونس، والمُذاع عبر قناة dmc.

وقال أمير كرارة: "بصور مسلسل 10 حلقات بس إحنا رايحين لحتة أكتر فيها رعب الناس برضو معندناش حاجة اتعملت زي دي غير حاجتين مثلا الفترة اللي فاتت، فيه رعب رايحين في سكة مختلفة غير اللي كنت شغال فيها في الأول وغير الكوميديا زي "البعبع" و "الشاطر" دا حاجة مختلفة فيها شوية رعب وإثارة وقصة "النداهة" حاجة أسطورية طول عمرنا كنا بنسمع عنها المرة دي هنشوفها بشكل مختلف خالص مفيش أكشن في المسلسل كله كانت تجربة مختلفة بالنسبة ليا وحاسس أنها هتعجب الناس حاجة تنزل في الشتاء تحب تتفرج عليها، حاجة مختلفة عن كل مرة".

وأضاف: "المخرج محمد بكير قال لي أنه مبسوط وهو بيتفرج على المونتاج وبيتحايل عليا أروح اتفرج بس لسه مش عايز اتفرج، بيقولي إني طالع بشكل مختلف وملامحي غير والتمثيل مختلف المسلسل كان فيه مساحة حلوة أني أقدم تمثيل ومشاعر".