كشف عبد العزيز النجار، مخرج مسلسل "لحظة غضب" عن كواليس شخصية صبا مبارك فى دور "يمنى"، قائلا: "التشويق اللى حدث فى المسلسل موجود، ولكن أحلى حاجة فيه وجود خط كوميدى، ويمنى زيها زى أى ست بيت عايشة حياتها عادى لكن من الضغط الذى تعيشه وجدت نفسها فى موقف غريب، ودى اللحظة اللى بدأ منها المسلسل، وطول الوقت بنفكر فى الحتة ما بين التشويق والكوميديا، وكانت أكتر حاجة ممتعة".

وأضاف المخرج عبد العزيز النجار: أكتر حاجة ممتعة وصعبة، أن تصدق أن الناس دى موجودة وحاسس ومتوتر، وتجد جثة الزوج اللى قتلته يمنى فى المطبخ والعيلة كلها كانت بتصقف لعيد الميلاد، وفى نفس الوقت تضحك.

وتابع: صبا مبارك كانت متوترة فى آخر تصوير للحلقة، ولما وقفنا التصوير كانت فى نفس الحالة مش عارفة تخرج من الحالة اللى هى فيها.

يذكر ان مسلسل لحظة غضب ضمن مسلسلات رمضان 2024 ومكون من 15 حلقة، ويقوم ببطولته صبا مبارك، محمد شاهين، على قاسم، ناردين فرج، سارة عبد الرحمن، ريم خوري، وغيرهم من الفنانين، وهو من تأليف مهاب طارق، وإخراج عبد العزيز النجار، وإنتاج تى فيجن للمنتج طارق الجناينى.