كشف الفنان الكبير محمود حميدة، عن سبب مشاركته في فيلم "هارلي" مع الفنان محمد رمضان، كما أعرب عن استيائه الشديد بسبب مخالفة بنود عقد العمل.

وقال محمود حميدة خلال لقائه ببرنامج "ذا إنسايدر بالعربي": سبب يبدو غير معقول، لكن بالنسبة لي كان معقول، محمد رمضان دعاني للعمل واللي شرحلي الفيلم محمد سامي، وأعجبت بجرأة محمد رمضان إنه يصور في رمضان ويتعرض في العيد، وإنه شايف حاجة وراء هذا التعاون، والعمل كان بيتكتب على الهواء ودي كانت مغامرة كبيرة جدًا، والدافع في البداية إني أساعده، ودي حاجة عمري ما عملتها قبل كده.

وأضاف محمود حميدة: إيمان بنتي قالتلي وهي بتتفاوض على الفيلم إن اللي بيتفاوض معاها قالها إنه وكيل محمد رمضان، ورمضان قالوا أعملوا للأستاذ محمود حميدة اللي هو عايزه.

وتابع محمود حميدة: اللي حصل ده إساءة متعمدة لي، ومفتكرش إني هتعاون مع محمد رمضان في عمل فني تاني، ومحمد سامي ومي عمر كلموني بعد الأزمة ومي عمر قالتلي يا أستاذ مليش دعوة.