ردت النجمة عبير صبري على الاتهامات التي روَّجها البعض للفن المصري، وربطه بالجرائم التي ترتكب في المجتمع خلال الفترة الماضية. 

حيث قالت خلال استضافتها في برنامج "أسرار النجوم" مع المذيعة إنجي علي: "الفن بدون ما يناقش المشاكل بحرية وصدق لا يؤثر وبيبقى في إطار المتعة بس، وأنا مينفعش أكنس التراب تحت السجادة وأقول أنا معنديش الحاجات دي، والناس بيقولوا أنتم اللي بتعلمونا الحاجات دي، لكن لأ.. أنتم اللي علمتونا جرايم القتل والاغتصاب".

وأضافت: "إحنا لما بنمثلها بنوريكم نفسكم قدام المرايا، فما تحاسبش المرايا وتقولي لها إنتي اللي وحشة، فلازم أعمال صادقة وحقيقية علشان تؤثر في المجتمع".

واختتمت: "وضع المجتمع محيِّر ومفاجئ، لكن بقول إن المجتمع اللي إحنا عايشين فيه هو مجتمع عايش في فقاعة وفيه مجتمع تاني محدش يعرفه وده اللي ظهر في أعمال البلطجة وقت الثورة مثلًا، ففي ناس بيننا كده، وبقول إن السبب الخلفة الكتير عديمة المسئولية.. إحنا بنخلف ليه؟".