أشاد الفنان سامي مغاوري بتنوع مدارس الكوميديا الموجودة في مسرحية "السندباد"، التي عرضت مؤخراً ضمن فعاليات مهرجان العلمين الجديدة في نسخته الثانية، قائلاً: "التنوع مفيد جداً لأن كل واحد بيقدم ضحك من خلال المدرسة بتاعته".

وقال سامي مغاورى كان المسرح الخاص نجمه واحد فقط وهو اللى عايز يضحك بس ومش بيدى فرصة لحد تانى، إنما النهاردة المسرح بيستعين بنجوم سينما تقال وكبار، زي كريم عبدالعزيز اللي من ضمن أعماله الرائعة "الاختيار" وده مختلف تماماً عن اللي بيقدمه علي المسرح".

كما أشار إلى أن وجود الجمهور علي خشبة المسرح بكثرة خلال ليالي العرض يدل علي ثقة الجمهور في الفنان وأنه هيشوف عمل محترم يسعده ويضحكه في نفس الوقت" والمسرحية بطولة: كريم عبدالعزيز، نيللي كريم، ويزو، مصطفي خاطر، سامي مغاوري، وغيرهم من الفنانين، ومن إخراج أحمد الجندي.