وصفت الفنان حنان شوقى نفسها قائبة: " أنا كتلة حب متحركة على الأرض، وأنا حياتي كلها حب وقلبي مش بينبض غير بالحب بس الحب الحقيقي، وبعدين لما يبقى قلبك ساكن فيه المولى عز وجل وسيدنا النبي، وأي حد يجي يقولك بحبك هتعرفي ده صادق ولا لأ".

وأضافت شوقي، خلال لقائها مع الاعلامية ياسمين عز ببرنامج اخر كلام : أنه كان هناك إشارة إلهية تكشف لها من يحبها بصدق ومن يخدعها، قائلة: أنا بحب الحب المتبادل، واللي اتقدمولي كان حبهم كاذب وربنا كان بيبن لي، والبني آدم بيبان من موقف أو كلمة أو حركة، وأنا حساسة جدًا وقلبي رباني بحس باللي بيقولي بحبك بجد، واللي بيقولي بحبك عشان عايز حاجة معينة، أو يقولي بحبك عشان يومين ويعدوا.

واختتمت شوقي حديثها: أنا عايزة أتحب حب حقيقي لا يتجزأ، علشان لما نعجز نفضل نحب بعض، وبتمنى يكون فيه ود ورحمة وحنية، ولو مفيش كده يبقى قلته أحسن.