علقت الفنانة هدى رمزي على أنباء بيع أسرة الفنان الراحل نور الشريف لمقتنياته، الأمر الذي أثار جدلًا واسعًا خلال الأيام الماضية، وتلقت أسرة الراحل هجومًا لاذعًا على أثره.

وقالت هدى خلال لقائها ببرنامج كلام الناس مع ياسمين عز: علاقتي بالفنانة بوسي بدأت عندما كان عندها 8 سنوات، وعندما كنت أحضر كواليس فيلم الليلة الدافئة مع بابا، واحنا كنا بنعتبر نفسنا 3 أخوات، أنا وهي وأختها نورا.

وأضافت هدى : كنت امبارح عند بوسي في البيت، وبقولها مش عايزة تطلعي في برنامج، تقولي لا لا لا لا، أنا مطلعتش واتقال عليا كل ده وتقولي تخيلي بيقولوا علينا إننا فرطنا وبيعنا مقتنيات نور الشريف؟، أنا بقولكوا هما بيعتبروا إن ربنا فوق ثم نور الشريف تحت، وكانت بتحكيلي إن في فترة ما كان تعبان إن ممكن العاملين أخدوا الحاجات بتاعته دي.

وتابعت هدى رمزي: بعد وفاة نور مي وسارة وبوسي أخدوا كل الكتب وحطوها في مكتبة إسكندرية تكريمًا له، مش هيبيعوا ضفر منه والكلام ده ظلم جامد منهم وده عيب السوشيال ميديا وبيساعدوا على إن مصر ترجع لورا ومتطلعش قدام، وهما أعلى بكتير من أي حاجة تأثر بيهم، وبطلب من الناس ساعدونا إن الفن والرياضة يرجعوا زي ما كانوا زمان والجمهور هو اللي بيطلع وينزل.