اثارت الفنانة هيفاء وهبي كثير من الجدل خلال الساعات الماضية بعد تصدرها تريند السوشيال ميديا بسبب ظهورها الأخير في المؤتمر الصحفي الخاص بحفلتها في موسم الرياض حيث ظهرت بوجه شاحب وبملامح ظهر عليها التقدم في العمر ما دفع البعض إلى الاعتقاد أنها خضعت لعملية تجميل فاشلة أدت إلى تشوه ملامحها.

وبعد الكثير من الانتقادات دافع عدد من النجوم عن هيفاء وهبي ضد ما تعرضت له من تنمر مؤكدين على أنها جميلة في كافة الاحوال وأن الصورة المنتظرة ظالمة لها بسبب تأثرها بالاضاءة الخافتة وكان أول الداعمين الفنانة فيفي عبده والتي ظهرت في فيديو عبر صفحتها على انستجرام وعلقت قائلة :"أنا متضايقة جدا من الكلام اللي بيتقال على هيفاء هي طول عمرها زي القمر ومن الستات الباربي".

وتابعت قائلة :" الإضاءة مكنتش كويسة وهيا خاسة شوية دا لوك ومن حق الفنان يعمل اللي هو عايزه أمال ليه فنانين عشان الناس تقليدها يا جماعة عمالين ضجة ليه وأدي وهبي فين هيفاء أهو ده اللي أنتو فالحين فيه" كما حرص مغني المهرجانات حمو بيكا على دعمها حيث نشر صورة تجمعهما بحفلها في الساحل عبر صفحته الشخصية على فيسبوك وعلق قائلا:"مهما بتكبري بتحلوي.. في عنيا أنا شايفك مزة".

وأضافت مروة صبري خلال برنامجها "قعدة ستات": "الرجالة طول الوقت يفرجوا ستاتهم على هيفاء وهبي ويقولولهم شوفوا هيفاء دلوقت بقى هما اللي يفرجوا رجالتهم ويقولولهم هي دي هيفاء؟ على فكرة أنا قابلت هيفاء في الساحل ومشفتش في جمالها الحقيقة قعدت أتأمل فيها ساعة وأقول أيه الجمال ده ماشاء الله وشها وجسمها مفيهمش غلطة".

واستكملت قائلة:" أكيد حد وصى عليها عشان يصورها من الزاوية الوحشة والضلمة دي ويطلعها بالشكل ده جربوا بنفسكم تتصوروا صورة بدون إضاءة وشوفوا شكلكم هتطلعوا إزاي".